मुंबई : मेघनाद देसाई अॅकॅडमी ऑफ इकॉनॉमिक्सने (एमडीएई) अर्थशास्त्रामध्ये पदवीत्तर डिप्लोमासाठी प्रवेश प्रक्रिया जाहीर केली आहे. या एक वर्षाच्या पूर्ण वेळ अभ्यासक्रमात वित्त, डेटा विश्लेषण आणि सार्वजनिक धोरण क्षेत्राचे विशेष अभ्यासक्रम आहेत.
विद्यार्थ्यांना अर्थशास्त्र क्षेत्रातील नामांकित शिक्षक, तसेच तज्ज्ञांकडून मार्गदर्शन मिळेल ज्याचा लाभ त्यांना भविष्यातील विविध संधींसाठी स्वतःला तयार करण्यासाठी होईणार आहे. या अभ्यासक्रमाच्या प्रवेश प्रक्रियेसाठी किमान ५० टक्के गुणांसह कोणत्याही क्षेत्रातील पदवीधर असणे आवश्यक आहे. उमेदवारांना ऑनलाइन प्रवेश परीक्षा आणि मुलाखत द्यावी लागेल. प्रवेश प्रक्रियेसाठी अर्ज आणि इतर माहिती ‘एमडीएई’च्या संकेतस्थळावर उपलब्ध आहे.
